peripheral views

sa madilim na sulok ng aking kwarto
totoo ang kasabihang, bulag ang pag ibig
doon, kapwa tayo sumasayaw sa ritmo

ng ating mga pagnanasa
pikit ang mga mata at malayo

sa nahihimbing na madla

dito, naabot natin

ang mga pinakamataas na awitin
naguguhit ang mga tagong kurba at linya
nanamnam ang mga lason sa paligid at
naamoy ang pinakamasangsang na lansa

lahat ay katuparan
ng isang malafantasyang panaginip, kumbaga

subalit sa pagdama ng huling hininga,
unti-unting babalik ang lahat sa dating ayos
nagigising at makikita ang sarili
na nakahiga sa kama

kungsaan, muling iniisip ka